اترپردیش کا مشتبہ جاسوس جموں سے گرفتار

کشمیر پولیس نے اترپردیش کے رہائشی کو جاسوسی کے الزام میں گرفتار کیا ہے۔

اترپردیش سے تعلق رکھنے والے ایک شخص کو آج جموں کشمیر پولیس نے جموں کے گاندھی نگر علاقے سے جاسوسی کے الزام میں گرفتار کیا ہے۔

پولیس ذرائع کے مطابق جموں کشمیر پولیس کے اسپیشل آپریشن گروپ نے مشتبہ جاسوس کو گاندھی نگر علاقے سے گرفتار کیا ہیں جو کہ لگاتار پاکستان کے خفیہ اداروں کے ساتھ رابطے میں تھا۔

پولیس ذرائع کے مطابق اترپردیش کا رہنے والا یہ جاسوس جموں میں اہم حفاظتی تنصیبات کی ویڈیو گرافی کرکے پاکستان تک پہنچاتا تھا۔ اس کی شناخت اترپردیش کے رامپور کے رہنے والے انس کی حیثیت سے کی گئی ہے۔

تاہم جموں و کشمیر پولیس نے مزید تفصیلات دینے سے انکار کیا ہیں۔