اونتی پورہ: عسکریت پسندوں کے حملے میں ایس پی او اور اہلیہ کی موت

ضلع پلوامہ کے اونتی پورہ میں عسکریت پسندوں نے ایک ایس پی او کے گھر میں داخل ہو کر اندھا دھند فائرنگ کی، جس کے سبب ایس پی او فیاض احمد اور ان کی اہلیہ راجہ بانو کی موت ہوگئی جبکہ اس حادثہ میں ان کی بیٹی شدید طور پر زخمی ہیں۔

جنوبی کشمیر کے ضلع پلوامہ کے اونتی پورہ میں عسکریت پسندوں نے رات پونے گیارہ بجے ایک ایس پی او کے گھر میں داخل ہو کر اندھا دھند فائرنگ کی، جس کے سبب ایس پی او فیاض احمد کی موقع پر ہی موت ہوگئی جبکہ مزکورہ ایس پی او کی اہلیہ اور لڑکی شدید طور پر زخمی ہوگئیں۔

ماں اور بیٹی کو زخمی حالت میں فوری طور پر اسپتال میں داخل کرایا گیا ہے جہاں اہلیہ راجہ بانو کی موت ہوگئی جبکہ بیٹی کا علاج جاری ہے۔

وہیں نے پولیس نے کارروائی کرتے ہوئے حملہ آوروں کی تلاش شروع کردی ہے، پولیس نے ایک ٹویٹ کے ذریعہ ہلاکت کی تصدیق کی ہے۔