پونچھ میں فلیگ مارچ

ریاست جموں و کشمیر کے ضلع پونچھ میں موجودہ حالات کے پیش نظر سکیورٹی فورسز کی جانب سے فلیگ مارچ کیا گیا۔

اس فلیگ مارچ میں ضلعی پولیس کے علاوہ آئی ٹی بی پی، سی آر پی ایف اور دیگر سکیورٹی فورسز شامل ہوئیں۔

یہ فلیگ مارچ شہر کے سب سے اہم بس اسٹینڈ سے شروع ہوکر پولیس تھانہ پونچھ پر ختم ہوا۔

اس فلیگ مارچ کے بعد جموں و کشمیر کے آئی جی پی مکیش سنگھ کی قیادت میں ایک اعلیٰ سطحی میٹنگ ہوئی۔

اس میٹنگ میں شہر کے حالات پر خاص طور پر گفتگو ہوئی۔

اس میں مختلف سیاسی رہنماؤں کے علاوہ دیگر سماجی کارکنان نے بھی شرکت کی۔ ان افراد نے آئی جی پی کو یقین دہانی کرائی کہ وہ شہر کے حالات کو بہتربنانے میں ہر قسم کا تعاون پولیس انتظامیہ کو دیتے رہیں گے۔