رویندر رینہ نے بی جے پی سرپنچ کے ہلاکت کی مذمت کی

ضلع اننت ناگ کے لال چوک علاقے میں واقع اسپورٹس اسٹیڈیم کے قریب عسکریت پسندوں نے ایک بی جے پی سرپنچ اور ان کی اہلیہ پر فائرنگ کی، جس کے نتیجے میں دونوں میاں بیوی موقع پر ہی ہلاک ہو گئے۔

جموں و کشمیر بی جے پی یونٹ کے صدر راویندر رینہ نے اننت ناگ لال چوک میں بی جے پی کے ایک سرپنچ اور ان کی اہلیہ پر کیے گئے فائرنگ اور قتل میں پاکستان کے شامل ہونے کا اندیشہ ظاہر کیا ہے۔

جموں و کشمیر بی جے پی یونٹ کے صدر راویندر رینہ نے بی جے پی رہنما کی ہلاکت کی مذمت کی اور پاکستان کو اس حملے کا ذمہ دار ٹھہرایا ہے'۔ انہوں کہا کہ 'پاکستانی عسکریت پسندوں نے اننت ناگ میں بی جے پی سرپنچ اور اس کی اہلیہ پر فائرنگ کرکے ان کو شہید کر دیا'۔

رینہ نے پاکستان کو تنقید کا نشانہ بناتے ہوئے کہا کہ 'پاکستان نے ہمیشہ کشمیر میں لوگوں پر حملہ کروایا ہے'۔ انہوں نے کہا کہ 'ان کے اہل خانہ ملک کے ساتھ محبت کرتے تھے جو پاکستان کو پسند نہیں آتا تھا اور اسی وجہ سے ان پر حملہ کرایا گیا'۔ انہوں نے کہا کہ 'اس قتل کا بدلہ لیا جائے گا اور بی جے پی رہنماؤں کا خون رائیگاں نہیں جائے گا'۔