پونچھ: بی جے پی کارکنان کا احتجاج

بس اسٹینڈ پونچھ میں بھارتی جنتا پارٹی کے کارکن امن ڈاور اور ریاستی سیکریٹری سنیل گپتا کی قیادت میں بھارتی جنتا پارٹی کے کارکنان نے بی جے پی رہنما کے گھر میں ہوئے بم دھماکہ حملے کے خلاف احتجاج کیا۔بی جے پی کارکنان نے اس حملے میں مارے گئے ایک بچہ کی موت پر غم کا اظہار کیا اور پاکستان کا پتلا نذر آتش کرتے ہوئے پاکستان کے خلاف نعرہ بازی کی۔

جموں و کشمیر کے ضلع پونچھ میں آج بی جے پی کارکنان نے راجوی میں گزشتہ روز بی جے پی رہنما جسبیر سنگھ کے گھر پر ہوئے بم دھماکہ حملے کے خلاف احتجاج کیا اور اس معاملے میں این آئی اے تحقیقات کا مطالبہ کیا۔

بس اسٹینڈ پونچھ میں بھارتی جنتا پارٹی کے کارکن امن ڈاور اور ریاستی سیکریٹری سنیل گپتا کی قیادت میں بھارتی جنتا پارٹی کے کارکنان نے بی جے پی رہنما کے گھر میں ہوئے بم دھماکہ حملے کے خلاف احتجاج کیا۔بی جے پی کارکنان نے اس حملے میں مارے گئے ایک بچہ کی موت پر غم کا اظہار کیا اور پاکستان کا پتلا نذر آتش کرتے ہوئے پاکستان کے خلاف نعرہ بازی کی۔

واضح رہے کہ راجوری میں گزشتہ رات بھارتی جنتا پارٹی کے منڈل سربراہ جسبیر سنگھ کے گھر پر بم دھماکہ ہوا تھا، اس دھماکہ میں جسبیر سنگھ کے تین سالہ بھتیجے ویر سنگھ کی موت واقع ہوگئی تھی۔

اسی سلسلے میں آج احتجاج کرتے ہوئے بی جے پی کارکنان نے پاکستان کے خلاف الزام عائد کرتے ہوئے اسے دہشت گردانہ حملہ قرار دیا۔انہوں نے اس حملے کی مذمت کرتے ہوئے اسے بزدلانہ حرکت کہتے ہوئے پاکستان کا پتلا نذر آتش کیا اور پاکستان کے خلاف نعرے بھی لگائے۔

انہوں نے کہا کہ جب بھی جموں و کشمیر کی حالت بہتر ہوتی ہے تب پاکستان کے اشاروں پر دہشت گرد کسی بڑی واقعہ کو انجام دے کر مرکز کے زیر انتظام علاقہ میں دہشت پھیلاتے ہیں۔ یہاں ڈر کا ماحول پیدا کیا جاتا ہے اور آپسی بھائے چارہ کو ختم کرنے کی کوشش کی جاتی ہے۔

اس دوران پارٹی کے ریاستی سیکریٹری سنیل گپتا نے کہا کہ لوگ دہشت گردی سے تنگ آچکے ہیں، وہ امن چاہتے ہیں لیکن دہشت گرد اپنی حرکت سے باز نہیں آرہے ہیں۔

سنیل گپتا نے مرکزی حکومت سے بھارتی جنتا پارٹی کے کارکنوں کی سیکورٹی کے مناسب انتظامات کرنے اور اس معاملے کی این آئی اے انکوائری کروانے کا مطالبہ کیا ہے۔اس کے علاوہ انہوں نے حکومت سے پاکستان کو منہ توڑ جواب دینے کو کہا تاکہ پاکستان اس طرح کا حملہ دوبارہ کوشش کرنے کی ہمت نہ کرے۔