Pahari community celebrates پہاڑی طبقے کے لیے ریزرویشن کا اعلان، گاندربل میں خوشی کا ماحول

گاندربل کے چونٹوالیوار کے لوگوں نے وزیر داخلہ امت شاہ کی جانب سے راجوری کی ایک ریلی میں پہاڑی برادریوں کو ریزرویشن دینے کے اعلان کے بعد جشن منایا اور وزیر داخلہ امت شاہ کا شکریہ بھی ادا کیا۔ امت شاہ نے کہا کہ جموں و کشمیر میں پہاڑی طبقے کو جسٹس جی ڈی شرما کمیشن کی سفارشات کے مطابق ریزرویشن دیں گے۔ Pahari community celebrates

ضلع گاندربل کے چونٹوالیوار کے پہاڑی طبقے نے وزیر داخلہ کی جانب سے ریزویشن کے اعرلان کے بعد جشن منایا اور وزیر داخلہ امت شاہ کا شکریہ بھی ادا کر رہے ہیں۔ اس موقع پر علاقے کے سرپنچ فاروق احمد نے بتایا کہ امت شاہ کے اعلان کے بعد ہمیں لگا کہ جموں کشمیر کے اٹھارہ لاکھ پہاڑی لوگ آج آزاد ہوئے ہیں۔ ایک پہاڑی نوجوان نے کہا کہ یہ ہمارا حق ہے اور اس میں اگرچہ مکمل اعلان کے لیے کچھ کاغذی کاروائی کرنا ابھی باقی ہے تاہم ہمیں جو امت شاہ کے اعلان کا انتظار تھا وہ مل گیا ہے۔ انہوں نے کہا ہے کہ ہم گاندربل پہاڑی فورم گاندربل کی طرف سے امت شاہ کو مبارکباد دیتے ہیں۔ Pahari community celebrates

دراصل مرکزی وزیر داخلہ امت شاہ نے صوبہ جموں کے راجوری ضلع میں پہاڑی طبقے کی ایک ریلی سے خطاب کے دوران کہا کہ’’جموں کشمیر میں پہاڑی طبقے کو جسٹس جی ڈی شرما کمیشن کی سفارشات کے مطابق ریزرویشن دیں گے، لیکن گجر بکروال طبقے کا ایک فیصد حصہ بھی ان سے نہیں چھینا جائے گا۔ امت شاہ نے مزید کہا کہ ’’وزیر اعظم نریندر مودی نے دفعہ 370 کو ہٹا کر ریزرویشن کا راستہ ہموار کیا ہے۔Amit Shah Rajouri Rally

امت شاہ کا کہنا ہے کہ ’’جسٹس کمیشن نے پہاڑی، گجر، بکروال کے لیے ریزرویشن کی سفارش کی ہے اور ان سفارشات کو سرکار کی منظوری ملتے ہی پہاڑی، گجر، بکروال طبقہ کو ریزرویشن ملے گے۔‘‘ انہوں نے کہا کہ ’’کوئی بھی ریزرویشن دیں گے لیکن گجر بکروال کا ایک فیصد کم نہیں ہوگا۔‘‘ مرکزی وزیر داخلہ نے پہاڑی آبادی سے مخاطب ہو کر کہا کہ ’’آپکے حقوق کو کوئی نہیں چھین سکتا۔‘‘ Amit shah JK Visit امت شاہ نے اپنے خطاب میں پہاڑی علاقوں کی تعمیر و ترقی کا ذکر کرتے ہوئے کہا کہ مودی سرکار نے ان علاقوں میں میڈیکل کالجز اور دیگر ترقی کے پروجیکٹس کو منظوری دی ہے۔