ڈوڈہ میں سڑک حادثہ، ایک شخص ہلاک ایک زخمی

ضلع ڈوڈہ کی سڑکوں پر انسانی جانیں تلف ہونے کا خطرہ برقرار ہے اور یہاں سڑک حادثات میں عام آدمی کی جان جانے کی بات عام ہوچکی ہے۔

سنیچر کی صبح جموں سے کھلینی کی طرف آرہی ایک کار حادثہ کا شکار ہو گئی۔ جس کے نتیجہ میں ایک شخص جاں ہلاک جبکہ ایک زخمی ہوا ہے۔

تفصیلات کے مطابق جموں سے ڈوڈہ کی طرف آ رہی ویگنار گاڑی نمبر(جے کے-2032-06) بگر مارکیٹ کے پاس حادثہ کا شکار ہوگئی۔

اس حادثے میں گاڑی میں موجود ایک شخص موقع پر ہلاک جبکہ ایک شخص زخمی ہوا ہے۔

حادثے میں ہلاک ہوئے شخص کی شناخت راجیش کمار ولد گیان چند کے طور پر ہوئی ہے جو ضلع ڈوڈہ کے کھیلنی علاقے کا رہنے والا ہے جبکہ زخمی شخص کی شناخت سدیش کمار کے طور پر ہوئی ہے جس کا تعلق بھی مذکورہ مقام سے ہے۔

حادثہ کی خبر پھیلتے ہی مقامی لوگوں کے علاوہ پولیس نے جائے حادثہ پر پہنچ کر راحت رسانی کا کام شروع کیا اور گاڑی میں سوار دونوں لوگوں کو نزدیکی اسپتال میں داخل کرایا۔