'بات چیت کے ذریعے کسی بھی مسئلے کا حل نکالا جا سکتا ہے'

نیشنل کانفرنس کے ریاستی سکریٹری شیخ بشیر احمد نے ای ٹی وی سے بات چیت کے دوران کہا کہ ”ان کی پارٹی حریت کے ساتھ مذاکرات کے حق میں ہے مگر بات چیت آئین کے دائرے میں ہونی چاہیے؟

انہوں نے مزید کہا کہ بات چیت ہی واحد راستہ ہے جس کے ذریعے کسی بھی مسئلے کا حل نکالا جا سکتا ہے۔

بات چیت دوران انہوں نے کہا کہ گورنر ستیہ پال ملک کے بیان کے بعد جس طرح سے حریت نے ایک مثبت ردعمل کا اظہار کیا ہے وہ ایک قابل ستائش قدم ہے۔

واضح رہے کہ اس سے قبل جموں و کشمیر کے گورنر ستیہ پال ملک نے کہا تھا کہ حریت کانفرنس مذاکرات کے لیے تیار ہے۔ اس بیان کے بعد حریت کانفرنس (ع) کے چیئرمین میرواعظ عمر فاروق نے کہا کہ اُن کی قیادت والی حریت صرف مذاکرات پر ہی بھروسہ کرتی ہے۔