سڑک حادثہ میں دوافراد ہلاک

گذ شتہ روز ریاست جموں و کشمیر کے ضلع ڈوڈہ میں پیش آئے ایک سڑک حادثہ میں کمسن بچی سمیت ایک ہی کنبہ کے دو افراد کی موت ہوگئی۔

تفصیلات کے مطابق یہ حادثہ اُس وقت پیش آیا جب جموں سے کشتواڑ کی طرف ایک نجی گاڑی میں ایک ہی گھر کے پانچ افراد سوار ہو کر آ رہے تھے۔

کھلینی نالہ کے پاس پہنچتے ہی گاڑی بے قابو ہو گئی اور گاڑی الٹ گئ جس جے سبب موقع پر ہی دو لوگوں کی موت واقع ہوگئی۔حادثہ کی اطلاع ملتے ہی مقامی پولیس جائے وقوعہ پر پہنچے اور راحتی کام شروع کر دیا۔

زخمی افراد کو فوری طور ضلع اسپتال ڈوڈہ منتقل کیا گیا جہاں ایک کمسن بچی زخموں کی تاب نہ لاکر چل بسی۔
حادثہ میں ہلاک ہونے والوں کی شناخت لیاقت علی ولد غلام علی (70) تابش بانو دختر ارشاد احمد کے طور پر ہوئی ہے۔