جموں میں 4 جی انٹرنیٹ خدمات بحال

جموں و کشمیر میں آرٹیکل 370 کی منسوخی اور ریاست کی حیثیت کو ختم کرنے کے تقریبا 7 مہینے بعد آج جموں میں سماجی رابطے کے ویب سائٹ پر عائد پابندیوں کو ختم کرنے کے ساتھ 4 جی انٹرنیٹ خدمات کو بحال کردیا گیا ہے۔

مرکز کے زیر انتظام خطے جموں و کشمیر میں حکومت کی جانب سے جموں کے لوگوں کو بڑی راحت ملی ہے۔سات مہینوں کے طویل انتظار کے بعد 4 جی انٹرنیٹ خدمات کو اب بحال کیا گیا ہے۔

جس کے ساتھ ہی سوشل نیٹ ورک ویب سائٹ پر عائد پابندیوں کو بھی ختم کردیا گیا ہے۔جس سے جموں کے لوگوں میں خوشی نظر آرہی ہے۔

خصوصا انٹرنیٹ خدمات کی بحالی کو دیکھ کر نوجواںوں میں جوش و خروش کا ماحول ہے۔

میڈیا سے بات کرنے والے ایک نوجوان نے بتایا کہ انٹرنیٹ کی بحالی سے وہ کافی خوش ہیں اور امید ظاہر کی کہ اب انٹرنیٹ خدمات کو دوبارہ معطل نہیں کیا جائے گا۔