محبوبہ مفتی کا تین روزہ دورہ جموں شروع

پیپلز ڈیموکرٹیک پارٹی (پی ڈی پی) کی صدر و جموں و کشمیر کی سابق وزیر اعلیٰ جموں و کشمیر محبوبہ مفتی کا تین روزہ دورہ جموں آج سے شروع ہوا ہے ۔پی ڈی پی جموں سوبے کے انچارج عبدل حمید چھودری نے پارٹی صدر محبوبہ مفتی کے جموں دورے کے بارے میں تفصیلات فراہم کی۔

پیپلز ڈیموکریٹک پارٹی (پی ڈی پی) کی صدر اور سابق وزیر اعلیٰ محبوبہ مفتی پارٹی کارکنان سے ملاقات کرنے کی غرض سے آج یعنی 9 جولائی سے تین روزہ دورے پر جموں پہنچ گی، جہاں وہ جموں خطے کے پارٹی کے رہنماؤں و کارکنان سے ملاقات کریں گی۔

پیپلز ڈیموکرٹیک پارٹی (پی ڈی پی) کے نائب صدر و جموں خطہ کے انچارج عبد حمید چھودری نے پارٹی صدر محبوبہ مفتی کے جموں دورے کے بارے میں تفصیلات فراہم کرتے ہوئے کہا کہ 'محبوبہ مفتی 9 جولائی آج ، 10 اور 11 جولائی کو پی ڈی پی دفتر گاندھی نگر میں جموں میں پارٹی کارکنان سے خطاب کریں گی۔ بعد ازاں جموں خطہ کے پارٹی رہنماؤں کے ساتھ میٹنگ بھی منعقد ہوگی۔

ان کے مطابق میٹنگ میں پارٹی کے امور اور مستقبل میں لائحہ عمل کے بارے میں فیصلہ لیا جائے گا۔

انہوں نے مزید کہا کہ محبوبہ مفتی آنے والے دنوں میں جموں کے مختلف علاقوں کا دورہ کر کے پارٹی کے لیڈران و کارکنان سے ملاقات کریں گی ۔

وہیں جموں کے پارٹی دفتر کے باہر پی ڈی پی لیڈران کی آمد صبح سے شروع ہوئی ہے