جموں وکشمیر کے ضلع کشتواڑ کا پسماندہ علاقہ کنتواڑ شانڈری پنچایت کے لوگ، سماجی کارکن اور وارڈ ممبر رادھا کرشن کی زیر صدارت ڈائریکٹر ایجوکیشن جموں سے ملاقات Meeting with Director Education Jammu کے لیے پہنچے۔
ڈائریکٹر ایجوکیشن جموں Director Education Jammu سے ملاقات کے دوران وفد نے علاقے کے تعلیمی نظام Education System، اسکول میں اسٹاف کی کمی اور اسکولی بلڈنگ کی خستہ حالی سے متعلق پوری تفصیلات ڈائریکٹر ایجوکیشن کے سامنے رکھیں، مزید ان سے ان سارے مسائل کے ازالے کا مطالبہ کیا۔
ان مسائل کو بغور سننے کے بعد ڈائریکٹر ایجوکیشن جموں نے کہا کہ کنتواڑ علاقے کے تعلیمی نظام کو بہتر بنانے کے ساتھ ساتھ طلبا کی پریشانیوں کے ازالے کی بھی کوشش کی جائے گی۔
علاقے میں تعلیمی نظام اور اسکول کی بہتری کے لیے کام کیے جانے کے بابت ڈائریکٹر ایجوکیشن کی یقین دہانی کرانے پر لوگوں نے ان کا شکریہ ادا کیا، ساتھ ہی لوگوں نے کہا کہ اسکول ایک لمبے عرصے کے بعد کھلنے جارہا ہے، ہمیں یقین ہے کہ محکمہ ایجوکیشن ہمارے بچوں کے بہتر مستقبل کے لیے ترجیحی بنیاد پر یہاں کے مسائل کو دور کرے گا۔