Pahadi Joint Action Committee: پہاڑی جوائنٹ ایکشن کمیٹی کی جانب سےمنڈی میں اجلاس منعقد

پہاڑی جوائنٹ ایکشن کمیٹی کی جانب سے ڈاک بنگلو منڈی میں ایک اجلاس کا اہتمام کیا گیا، جس میں شڈیول ٹرائب درجہ کو لیگر لوگوں نے اپنے مسائل کو اجاگر کیا۔ اس موقع پر دیگر لوگوں کے ساتھ ساتھ محکمہ جل شکتی میں کام کرنے والے اور سبکدوش ملازمین نے میٹنگ میں حصہ لیا۔

پہاڑی جوائنٹ ایکشن کمیٹی کے چیئرمین سلیم احمد بانڈے نے کہا کہ جموں و کشمیر میں پہاڑی طبقہ کو آزادی کے بعد سے اب تک روندا جارہا ہے۔

ایک ہی جگہ پہاڑی علاقے میں رہنے والے گجر اور پہاڑی لوگ جن کا رہن سہن ایک جیسا ہے اور ایک ہی طرح پہاڑوں پر جاتے ہیں، مال مویشی رکھتے ہیں۔ تو پھر گجر پہاڑی لوگوں کو برابر کا درجہ کیوں نہیں دیا جارہا ہے۔

سلیم بانڈے نے سرکار سے مطالبہ کیا ہے کہ آنے والی پارلیمنٹ نشست میں پہاڑیوں کو شڈیول ٹرائب کا درجہ دیا جائے۔

ان کے علاوہ نجم جعفری نے کہا کہ پہاڑی اور گجر طبقہ کے لوگوں کا اب یہ نعرہ ہے کہ پہاڑی طبقہ کے لوگوں کو بھی شڈیول ٹرائب کا درجہ دیا جائے۔

انہوں نے وزیر داخلہ امت شاہ کا شکریہ ادا کرتے ہوئے کہا کہ اب انہوں نے بھی مان لیا ہے کہ پہاڑی طبقہ کے لوگوں کو ان کا حق دیا جائے گا۔

نجم نے مزید کہا کہ جب تک پہاڑی طبقہ کے لوگوں کو ان کا حق نہیں ملتا تب تک پہاڑی طبقہ کے لوگوں کی جدوجہد جاری رہے گی اور ہم سرکار سے بھی امید کرتے ہیں کہ جلد پہاڑی طبقہ کے لوگوں کو شڈیول ٹرائب کا درجہ دیا جائے گا۔