جموں و کشمیر کے زرعی کمپلیکس ڈوڈہ Agricultural Complex Doda میں ملک کے دیگر حصوں کے ساتھ ساتھ، پی ایم کسان سمان ندھی یوجنا پروگرام کے حوالے سے ایک تقریب Kisan Samman Nidhi Program in Doda کا انعقاد کیا گیا۔
اس تقریب میں کسانوں کی بڑی تعداد نے شرکت کی۔ اسی طرح کا لائیو سیشن ضلع کے دیگر حصوں میں محکمہ زراعت کے فیلڈ افسران کی موجودگی میں منعقد ہوا۔
تقریب کے دوران پی ایم کسان سمان ندھی یوجنا کے تحت دس ویں قسط ملک کے دیگر حصوں کے ساتھ وزیر اعظم کے ذریعہ ضلع ڈوڈہ کے کسانوں کے کھاتے میں بھی جاری کی گئی۔
یہ بھی پڑھیں: مودی سے بات کرتے ہوئے کسان نے دل جیتا
ضلع ڈوڈہ کے کم از کم پچاس ہزار کسان پی ایم کسان ندھی پورٹل پر درج ہیں، جو اس اسکیم سے فائدہ اٹھا رہے ہیں۔ اس اسکیم سے غیر مستفید کسانوں کے لیے مختلف سطحوں پر خصوصی کیمپ بھی منعقد کیے گئے۔ ضلع ہیڈ کوارٹر Doda Headquarters میں چیف ایگریکلچر آفیسر، ڈسٹرکٹ ایگریکلچر آفیسر، ایریا ڈویلپمنٹ آفیسر، سب ڈویژنل ایگریکلچر آفیسر پرانو اور محکمہ کے عہدیداروں نے پروگرام میں شرکت کی۔