دفعہ 370 کی منسوخی کے 370 دن، کشمیری مائیگرینٹ پنڈتوں کا رد عمل

دفعہ 370 کی منسوخی کے 370 دن آج مکمل ہوچکے ہیں۔ جموں پرکھوں کیمپ سے ای ٹی وی بھارت نے کشمیری مائیگرینٹ پنڈتوں کے حالات کے بارے میں جائزہ لیا۔

دفعہ 370 کی منسوخی کے 370 دن آج مکمل ہوچکے ہیں، مرکز میں برسراقتدار بی جے پی نے جموں و کشمیر کو حاصل خصوصی حیثیت دینے والے قوانین کو منسوخ کرکے مرکز کے زیرانتظام دو علاقوں میں تقسیم کیا تھا۔

مودی حکومت نے جموں و کشمیر کو حاصل خصوصی درجہ کے دفعات کو ختم کرنے کی وجہ تعمیر ترقی اور حفاظتی انتظامات کو مضبوط بنانا قرار دیا تھا اور کشمیر صوبہ سے ہجرت کرنے والے کشمیری مائیگرینٹ پنڈتوں کی بازآباد کاری کو اولین درجہ دینے کی بات کی تھی۔

ان ہی سب باتوں کو لیکر ای ٹی وی بھارت نے اس ضمن میں کشمیری پنڈتوں سے مائیگرینٹ کیمپ میں بات چیت کی اور مرکز میں برسر اقتدار بی جے پی نے کس حد تک جموں میں مقیم کشمیری مائیگرینٹ پنڈتوں کو حکومت نے فلاح و بہبود کی اسکیمیں ان تک پہنچائی ہے۔ آئیے جانتے ہیں۔