جموں میں سبکدوش پولیس اہلکاروں کا احتجاج

سرمائی دارالحکومت جموں کے پریس کلب میں سبکدوش ہوئے پولیس اہلکاروں نے اپنے مطالبات کو لیکر احتجاج کیا۔

نمائندے کے مطابق سبکدوش پولیس اہلکاروں نے اپنے مطالبات کے حوالے سے جموں کے پریس کلب میں شدید احتجاج کرکے نعرے بازی کی۔

سبکدوش پولیس اہلکاروں کی مانگ تھی کہ انہیں بھی 1996پے کمیشن (مراعات) کے زمرے میں لایا جائے۔

احتجاجیوں کا کہنا تھا کہ پولیس اہلکار 24 گھنٹے ڈیوٹی کرکے قوم کی خدمت اور حفاظت کے لئے ہر وقت چاک و چوبند رہتے ہیں۔

انہوں نے حکومت پر پولیس کے تئیں سوتیلا سلوک روا رکھنے کا الزام عائد کرتے ہوئے کہا کہ ’’کڑی محنت کے باوجود انہیں مراعات نہیں دی جا رہی ہیں۔‘‘

انہوں نے ریاستی انتظامیہ سے انکے مطالبات تسلیم کرنے کی گزارش کرتے ہوئے اپیل کی کہ سبدکوش پولیس اہلکاروں کو 1996پے کمیشن کے حساب سے پینشن دی جائے۔