جموں: پریس کلب میں کانگریس کا مرکزی حکومت کے خلاف احتجاج

مرکز کے زیرانتظام جموں خطے میں آج انڈین نیشنل کانگریس پارٹی کے نائب صدر رمن بھلا کی صدارت میں جموں کے پریس کلب میں بڑھتی ہوئی مہنگائی اور معیشت میں گراوٹ کے خلاف احتجاج کیا۔

مرکز کے زیرانتظام جموں خطے میں آج انڈین نیشنل کانگریس پارٹی کے نائب صدر رمن بلا کی صدارت میں جموں کے پریس کلب میں بڑھتی ہوئی مہنگائی اور معیشت میں گراوٹ کے خلاف احتجاج کیا۔ اس احتجاج میں کافی تعداد میں پارٹی کے کارکنوں نے حصہ لیا۔
اس موقع پر کانگریس پارٹی کے نائب صدر رمن بلا نے مرکز حکومت کی معاشی پالیسی پر سخت نکتہ چینی کرتے ہوئے کہاکہ ملک معاشی طور سے برباد ہورہا ہے۔ جرائم میں زبردست اضافہ ہو رہا ہے اور تاجر پریشان ہیں, بازاروں میں سناٹا چھایا ہوا ہے۔

پاورلوم صنعت دم توڑ رہی ہے۔ پاورلوم کارخانے بند ہورہے ہیں۔ اور مرکزی حکومت خاموش تماشائی بنی ہوئی ہے'۔ جبکہ آئین کو معطل کیا گیا جو کہ جمہوریت کا قتل ہے اور سیاسی لیڈروں کو تنگ طلب کیا جارہا ہے۔

اب کانگریس پارٹی خاموش نہیں بیٹھیگی, حکومت کو معاشی بحران کا حل نکالنا ہوگا ورنہ کانگریس اپنا احتجاج تیز کریگی'۔
اس احتجاجی مظاہرے میں جموں کشمیر کانگریس یونٹ کے نائب صدر رمن بلا ، چیف سپوکس پرسن ’ترجمان‘ راویندر شرما ضلع صدر سمیت کثیر تعداد میں پارٹی کارکنان شامل تھے۔