جموں: ریلائنس ریٹیل سٹور کھولنے کے خلاف چھوٹے بیوپاریوں کا احتجاج

جموں و کشمیر کے سرمائی دارالحکومت جموں میں انتظامیہ نے 100 ریلائنس ریٹیل سٹور کھولنے کو منظوری دی ہیں جس پر تجارت پیشہ افراد کے علاوہ سماجی و سیاسی حلقوں میں کافی ناراضگی پائی جارہی ہیں۔

جموں کے ٹرئڈرس ایسوسیشن نے ضلع میں ریلائنس ریٹیل سٹور کھولنے کے خلاف احتجاج کرنے کی تیاریوں میں مصروف ہے۔ دیپک گپتا ٹریڈئرس فیڈریشن وائر ہاوس کے صدر نے ای ٹی وی بھارت کے ساتھ بات کرتے ہوئے کہا کہ حکومت کی جانب سے جموں خطہ میں 100 ریلائنس آوٹ لٹ کھولنے کی اجازت دی جارہی ہے جس کے بعد چھوٹے دکاندار متاثر ہوں گے اور بیروزگاری میں اضافہ ہوگا۔

وہیں حکومت کے فیصلہ خلاف سخت موقف رکھنے والے ڈوگرہ فرنٹ کے کارکنوں نے سرکار کے اس فیصلے کے خلاف احتجاج کیا ۔ ڈوگرہ فرنٹ کے صدر اشوک گپتا نے اس موقعہ پر ذرائع ابلاغ نے نمائندوں سے بات کرتے ہوئے کہا کہ جموں کے دوکاندار اب کہا جائے گے جبکہ ریلائنس ریٹیل سٹور کے ذریعہ یہاں کی دوکانوں کو بند کرنے کا منصوبہ بنایا جارہا ہے۔

ملک کے مشہور صنعت کار مکیش امبانی کی کمپنی ریلائنس ریٹیل لمیٹڈ کو 2021 میں دنیا کی سب سے تیزی ترقی کرنے والی خردہ فروش کمپنی کا درجہ حاصل ہوا ہے جس کے بعد کمپنی نے ملک کی مختلف ریاستوں میں مزید ریلائنس ریٹیل سٹور کھولنے کےلیے سرکار سے اجازت طلب کی جس میں جموں و کشمیر بھی شامل ہیں۔ جموں میں کمپنی کی جانب سے 100 کے قریب آوٹ لیٹ کھولنے کا ارادہ ظاہر کیا جارہا ہے جبکہ بھارت بھر میں 7,000 سے زیادہ قصبوں اور شہرو ں میں اس کے کل ملاکر 11,784 اسٹور ہوگئے۔