Gulam Ali Khatana Interview نومنتخب راجیہ سبھا رکن غلام علی نے اپنے عزائم کا اظہار کیا

صدر جمہوریہ ہند دروپدی مرمو نے جموں وکشمیر کے گجر مسلم برادری سے تعلق رکھنے والے غلام علی کو راجیہ سبھا رکن کے طور پر نامزد کیا ہے۔ گزٹ آف انڈیا میں 10 ستمبر کو شائع ہونے والی وزارت داخلہ کے نوٹیفکیشن کے مطابق یہ نامزدگی کی گئی ہے۔ Interview with Er Gulam Ali Khatana

جموں:مرکزی وزارت داخلہ کی جانب سے جاری کئے گئے حکمنامہ میں کہا گیا کہ آئین ہند کی دفعہ 80 کی شق 1 کی ذیلی شق a کے ذریعے عطا کردہ اختیارات کا استعمال کرتے ہوئے صدر جمہوریہ نے غلام علی کو کونسل ممبر کے طور نامزد کیا ہے۔ ایسا دوسری مرتبہ ہوا ہے کہ جموں وکشمیر کے گجر مسلم برادری کے کسی رکن کو ایوان بالا کے لیے نامزد کیا گیا ہے۔

نو منتخب راجیہ سبھا رکن غلام علی کھٹانہ نے ای ٹی وی بھارت کے ساتھ بات کرتے ہوئے وزیراعظم نریندر مودی اور امت شاہ کا شکریہ ادا کیا۔ جنہوں نے ان پر بھروسہ کیا اور راجیہ سبھا کے لیے منتخب کرایا۔ انہوں نے کہا کہ ہمیشہ سے ہم غریب لوگوں کے ساتھ رہے ہیں خاص کر خانہ بدوش اور گجر بکروال طبقے کے ساتھ۔ انہوں نے کہا کہ ہم گزشتہ 25 برسوں سے تعلیم کے میدان میں غریب طلبا کے لیے کام کرتے رہے ہیں۔ Interview with Er Gulam Ali Khatana

انہوں نے کہا کہ وہ جموں کشمیر کے لوگوں کی آواز اور یہاں کے مسائل راجیہ سبھا میں اٹھائیں گئے اور جو ذمہ داری دی گئی ہے وہ اسے نبھانے کی بھرپور کوشش کریں گے۔ انہوں نے کہا کہ کس طرح سے جموں و کشمیر میں تعمیر وترقی ہونگی اس بات کا خیال پارلیمنٹ میں رکھا جائے گا۔ واضح رہے کہ غلام علی جموں کے بھٹنڈی علاقے کے ساکن ہے او ر انہوں نے بی جے پی آئی ٹی سیل کے ساتھ ساتھ ترجمان کے بطور بھی کام کیا۔ گوجر بی جے پی لیڈر غلام علی کھٹانہ پیشے سے انجینئر ہیں اور تقریباً چودہ سال سے وہ بھارتیہ جنتا پارٹی کے ساتھ وابستہ ہیں۔ Interview with Er Gulam Ali Khatana, nominated as Member of Parliament