راجوری:مرکزی وزیر داخلہ امت شاہ نے جموں صوبے کے راجوری ضلع میں ایک عوامی جلسے سے خطاب کے دوران دفعہ 370 ہٹائے جانے کے مرکزی حکومت کے فیصلے کا دفاع کرتے ہوئے کہا کہ 'اس اقدام سے جموں و کشمیر میں تعمیر و ترقی کے دروازے کھل گئے۔' Amit Shah on Article 370
جموں و کشمیر میں تین خاندانوں نے ستر سال تک راج کیا، امت شاہ
عوامی ریلی کے دوران امت شاہ نے کہا کہ 'تین خاندانوں نے جموں و کشمیر پر 70 سالوں تک حکومت کی۔ تینوں خاندان نے جمہوریت کو اپنے خاندان تک ہی محدود رکھا۔ انہوں نے آگے کہا کہ 'آج پی ایم مودی پورے جموں و کشمیر کے 27 لاکھ خاندانوں کو پانچ لاکھ تک صحت کا پورا خرچہ اٹھا رہے ہیں، ان تین خاندانوں نے 70 سالوں میں کیا دیا؟