جموں میں موسلادھار بارش جاری

جموں و کشمیر میں محکمہ موسمیات نے 10 جولائی کی شام سے ہی تیز ہوائیں اور بارش کی پیش گوئی کی تھی۔

پیر کے روز جموں و کشمیر کے سرمائی دارالحکومت جموں کے میدانی علاقوں میں بارش کا سلسلہ جاری ہے۔ محکمہ موسمیات کے مطابق 14 جولائی تک برفباری و بارش کا سلسلہ جاری رہے گا۔

دوسری جانب موسلادھار بارش کے سبب کئی علاقوں اور گھروں میں پانی داخل ہوگیا ہے اور متعدد مقامات کو نقصان پہنچا ہے۔ دریائے توی میں بھی پانی کا بہاؤ تیزی کے ساتھ بڑھ رہا ہے۔

واضح رہے کہ محکمہ موسمیات نے جموں و کشمیر میں 10 جولائی کی شام سے ہی تیز ہوائیں اور بارش کی پیش گوئی کی تھی اور کہا تھا کہ تیز ہوائیں چلنے کی رفتار 30 سے 40 کلو میٹر فی گھنٹہ ہوسکتی ہے۔