پونچھ: مرکزی حکومت کی جانب سے بے روزگار نوجوانوں کو روزگار کے مواقع فراہم کرنے کے مقصد سے اگنی پتھ اسکیم شروع کی گئی ہے۔ جموں و کشمیر کے ضلع پونچھ میں انڈین آرمی کی درگا بٹالین کی جانب سے اگنی پتھ اسکیم کے لیے آن لائن رجسٹریشن پروگرام کا انعقاد کیا گیا۔ جس میں نوجوانوں کے ساتھ سرحدی گاؤں کی لڑکیاں بھی جوش و خروش سے حصہ لے رہی ہیں۔' Girls registration for Agneepath scheme in Poonch
پونچھ میں لڑکیوں نے بھی کرایا اگنی پتھ اسکیم کے لیے رجسٹریشن
اگنی پتھ اسکیم کے تحت پونچھ کے سرحدی گاؤں کوسلیہ میں پونچھ ہیڈ کوارٹر کی درگا بٹالین کی طرف سے پونچھ کے سرحدی گاؤں کھڈی، کرماڈا، دیگوار، کوسلیہ، گولپور اور آجوٹ میں آن لائن رجسٹریشن کا انعقاد کیا گیا۔ لائن آف کنٹرول کے قریب درجنوں دیہاتوں کے علاوہ پونچھ قصبے کے 550 سے زیادہ نوجوان اور 70 سے زیادہ لڑکیوں نے رجسٹریشن کرایا۔