ادھم پور میں گنیش وِسرجن کا پر امن اختتام

ملک بھر میں ہر برس کی طرح اس بار بھی ہندو مذہب کے لوگوں نے گنیش چترتھی کا تہوار نہایت جوش و خروش کے ساتھ منایا۔

ملک کے مختلف ریاستوں سمیت جموں کے ضلع ادھم پور میں بھی گنیش چترتھی کا تہوار منایا گیا اور شہر کے مختلف بازاروں سے گنیش کی مورتی کو گزارتے ہوئے تالابوں اور نہروں میں بہا دیا گیا۔

شہر میں دن بھر ماحول خوش گوار رہا اور لوگوں نے خوب رقص بھی کیے۔

خیال رہے کہ اس تہوار میں گنیش اور وشنو کی پوجا ہوتی ہے، اور تقریباً 10روز کے بعد اسے ندی یا تالاب وغیرہ میں بہا دیا جاتا ہے۔ گنیش وسرجن کے لیے عقیدت مندوں کی بڑی تعداد جموں کے توی ندی میں جمع ہوئی۔ عقیدت مندوں میں زبردست جوش و خروش دیکھا گیا۔

اس تہوار کو بھارت بھر میں ہندو بھائی مناتے ہیں، تاہم بالخصوص مہاراشٹر، کرناٹک، تلنگانہ، تامل ناڈو، کیرالہ، آندھرا پردیش، گوا، اڑیسہ اور مغربی و جنوبی بھارت کے متعدد علاقوں میں یہ تہوار انتہائی اہتمام اور بڑے پیمانے پر منایا جاتا ہے۔

بھارت کے علاوہ، نیپال کے ترائی علاقہ اور اس کے علاوہ امریکا، کینیڈا اور موریشس وغیرہ میں مقیم بھارتی نزاد ہندو مذہب کے ماننے والے بھی انتہائی اہتمام سے اس تہوار کو مناتے ہیں۔