مڑواہ کشتواڑ میں تصادم جاری، دو پولیس اہلکار زخمی

ریاست جموں و کشمیر کے ضلع کشتواڑ علاقے میں عسکریت پسندوں اور سیکیورٹی فورسز کے درمیان ایک تصادم شروع ہوا ہے جس میں دو پولیس اہلکار زخمی ہوئے ہیں۔

ای ٹی وی بھارت کے نمائندے کے مطابق یہ تصادم جمعے کی دوپہر کشتواڑ کے ایک دوردراز علاقے مڑواہ میں شروع ہوا۔

ابتدائی اطلاعات کے مطابق تصادم میں ریاستی پولیس کی ملٹنسی مخالف ونگ، اسپیشل اوپریشنز گروپ کے دو اہلکار زخمی ہوئے ہیں۔

مڑواہ کا جنگلاتی علاقہ ، جنوبی کشمیر کے اننت ناگ ضلع اور کشتواڑ کے درمیان واقع ہے اور دشوار گزار راستوں کے ذریعے اس علاقے میں رسائی ممکن ہوتی ہے۔