جموں کے ضلع پونچھ تحصیل منڈی میں ماہ ربیع الاول کے موقعے پر مختلف جگہوں پر جشن عید میلاد النبی کے حوالے سے پروگراموں کا اہتمام کیا جاتا ہے- اس موقعے پر یاسین انگلش میڈیم نیشنل پبلک اسکول اعلی پیر منڈی کے زیر اہتمام ایک ریلی کا انعقاد کیا گیا- جشن عید میلاد کے حوالے سے اس ریلی میں اکیڈمی میں زیر تعلیم مختلف جماعتوں کے طلبا نے بڑھ چڑھ کر حصہ لیا- ریلی نورانی عیدگاہ اعلی پیر منڈی سے شروع ہوکر منڈی بس اڈا تک نکالی گئی۔ جس میں بچوں نے نعت اور گلہائے عقیدت پیش کیے-
جشن عید میلاد النبی کے موقع پر ریلی کا انعقاد اس موقع پر پولیس کے ساتھ ساتھ دیگر حفاظتی انتظامات بھی کیے گئے تھے- ریلی کا اختتام واپس اعلی پیر منڈی میں ہوا جہاں اساتذہ نے طلبا کو انعامات سے نوازا- اس حوالے سے پرنسپل یاسین انگلش میڈیم اسکول اعلی پیر منڈی اور شبیر احمد پرنسپل رضا العلوم ہائی اسکول پونچھ کے پرنسپل نے کہا کہ اج کی اس ریلی کا مقصد حضرت محمد صل اللہ علیہ وسلم کی ولادت کے حوالے سے خوشی منائی گئی اور ریلی نکال کر تمام لوگوں کو ایک اہم پیغام دیا گیا-
انہوں نے کہا کہ اس ریلی کے دوران اہل منڈی اور دوکانداروں نے بچوں میں میٹھائیاں وغیرہ بھی تقسیم کیں۔ تمام لوگوں نے اس ریلی کا پرجوش طریقے سے استقبال کیا- انہوں نے تمام لوگوں کا شکریہ ادا کیا جنہوں نے بچوں کی حوصلہ افزائی کی-
