Ravinder Raina Reacts on Mehbooba محبوبہ مفتی سیاسی مفاد کیلئے مذہب کا استعمال نہ کریں، رویندر رینہ

بی جے پی رہنما رویندر رینہ کا کہنا ہے کہ محبوبہ مفتی کی سیاسی ساکھ ختم ہوچکی ہے۔ لہذا وہ لوگوں کو گمراہ کرنے کی کوشش کر رہی ہیں۔ رویندر رینہ نے جموں میں میڈیا کے نمائندوں سے بات چیت کرتے ہوئے کہا کہ محبوبہ مفتی مذہب کا سہارا لے کر اپنی سیاسی ساکھ بحال کرنے کی ناکام کوشش کر رہی ہیں۔ انہوں نے کہا کہ جموں و کشمیر کے لوگوں نے محبوبہ مفتی کو یکسر مسترد کر دیا ہے اور اب وہ مذہبی کارڈ کھیل رہی ہیں۔ BJP leader Ravindra Raina targeted Mehbooba Mufti

جموں:بی جے پی کے جموں و کشمیر یونٹ کے صدر رویندر رینہ نے پی ڈی پی سربراہ محبوبہ مفتی کو تنقید کا نشانہ بناتے ہوئے کہا کہ پی ڈی پی صدر محبوبہ مفتی اپنے سیاسی مفادات کی خاطر جموں و کشمیر کے نوجوانوں کے ذہنوں میں غلط فہمیاں پیدا کر رہی ہیں۔BJP leader Ravindra Raina targeted Mehbooba Mufti

انہوں نے کہا کہ محبوبہ مفتی کی سیاسی ساکھ ختم ہوچکی ہے، لہذا وہ لوگوں کو گمراہ کرنے کی کوشش کر رہی ہیں۔ رویندر رینہ نے جموں میں میڈیا کے نمائندوں سے بات چیت کرتے ہوئے کہا کہ محبوبہ مفتی مذہب کا سہارا لے کر اپنی سیاسی ساکھ بحال کرنے کی ناکام کوشش کر رہی ہیں۔

انہوں نے کہا کہ جموں و کشمیر کے لوگوں نے محبوبہ مفتی کو یکسر مسترد کر دیا ہے اور اب وہ مذہبی کارڈ کھیل رہی ہیں۔ انہوں نے سوال کیا کہ اسکولز میں طالب علموں کے ذریعہ رگھوپتی راگھو راجا رام پڑھنے میں کیا حرج ہے، جس کو مہاتما گاندھی نے جدو جہد آزادی کے دوران استعمال کیا تھا ۔

انہوں نے کہا کہ جموں و کشمیر میں سبھی ہندو، مسلم، سکھ اور عیسائی آباد ہیں، اور یہ سبھی کا وطن ہے۔ انہوں نے کہا کہ محبوبہ مفتی کو اس پر کوئی اعتراض نہیں ہونا چاہئے۔ رویندر رینہ نے کہا کہ اب تک جموں و کشمیر کے نوجوان صرف بندوقوں اور گرینیڈوں کی آوازیں سُن رہے تھے اور اب یہاں کے نوجوان سینما گھروں میں جاکر فلمیں دیکھ کر مزے لیں گے۔

انہوں نے کہا کہ موجودہ سرکار نے نوجوانوں کی بہتری اور ان کی تفریح کے لئے اقدامات شروع کئے ہیں اور یہاں کے نوجوان اب ترقی اور خوشحالی کی راہ پر گامزن ہورہے ہیں۔