Plantation Drive In Doda: محکمہ دیہی ترقی دوڈہ نے شجرکاری مہم کا آغاز کیا گیا

پہاڑی ضلع ڈوڈہ کے چلی علاقے میں محکمہ دیہی ترقی اور محکمہ جنگلات کے تعاون سے ہائر سیکنڈری اسکول چلی بھلیسہ کے احاطے میں شجر کاری مہم کا آغاز کیا۔

دوڈہ : جموں و کشمیر کے ضلع دوڈہ میں محکمہ دیہی ترقی بلاک چلی اور محکمہ جنگلات گندوہ کی جانب سے آج گورنمنٹ ہائر سیکنڈری اسکول (جی ایچ ایس ایس ) چلی بھلیسہ کے احاطے میں کونیفر سمیت مختلف اقسام کے پودے کر شجر کاری مہم کا انعقاد کیا گیا۔

شجر کاری مہم میں جی ایچ ایس ایس چلی کے طلباء نے حصہ لیے کر اسکول کے احاطے میں پودے لگائے اور عوام الناس سے شجر کاری مہم کے تحت زیادہ سے زیادہ پودے لگانے اور جنگلات کے تحفظ کو یقینی بنائے جانے پر بھی زور دیا۔

بی ڈی او چلی ہمت سنگھ نے کہا کہ محکمہ آر ڈی ڈی چلی نے علاقے کے سرکاری اداروں میں مختلف اقسام کے پودے لگانے کا بڑا ہدف لیا ہے۔

انہوں نے کہا کہ یہ شجرکاری پروگرام محکمہ دیہی ترقی نے محکمہ جنگلات گندوہ کے تعاون سے منعقد کیا گیا۔