Protest in kishtwar: کشتواڑ میں ضلع انتظامیہ کے خلاف مظاہرہ

کشتواڑ کے دکانداروں کا کہنا ہے کہ سڑک کی خستہ حالی کے بارے میں ضلع انتظامیہ کو متعدد مرتبہ بتایا گیا اور لیکن ضلع انتظامیہ اس جانب توجہ نہیں دے رہی ہے۔ انہوں نے مزید کہا کہ سڑک کی مرمت کے لئے کروڑوں روپے خرچ کئے گئے، تاہم ابھی بھی اس کی حالت بہتر نہیں ہے۔ Demonstration Over Road Construction in Kishtwar

جموں و کشمیر کے ضلع کشتواڑ کے قصبہ پریہار میں مقامی لوگوں نے ضلع انتظامیہ کے خلاف جم کر نعرہ بازی کی،مظاہرین کا کہنا ہے کہ محکمہ میونسپل کمیٹی کشتواڑ کی جانب سے منی بس اسٹینڈ سے پریہار گلی میں ڈرین اور ٹائیلس بچھانے کا ٹینڈر نکالاگیا تھا، تاہم تین سال کا عرصہ بیت جانے کے باوجود ابھی تک کام مکمل نہیں ہوا ہے، انہوں نے کہا کہ سڑک حالت ناگفتہ بہ ہونے کے سبب متعدد افراد زخمی ہوئے ہیں،جنہیں ہسپتال میں داخل کیاگیا ہے۔ Demonstration Over Road Construction in Kishtwar

مقامی دکانداروں کا کہنا ہے کہ مذکور معاملہ کے تئیں ضلع انتظامیہ کو متعدد دفعہ واقف کرایا گیا،اور گلی کی سڑک کو مرمت کرنے کا مطالبہ بھی کیا گیا ہے،تاہم ضلع انتظامیہ کی جانب سے اس جانب توجہ نہیں دی گئی ہے،انہوں نے مزید کہا کہ اس سڑک کی مرمت کے لئے کروڑوں روپیہ خرچ کئے گئے،تاہم ابھی بھی اس کی حالت بہتر نہیں ہے ۔

مقامی لوگوں نے مزیدکہا کہ ہم نے گزشتہ ماہ بھی احتجاج کیا تھا جس کے بعد ڈپٹی کمشنر یہاں آئے تھے اور یقین دہانی کرائی تھی کہ ایک ہفتہ کے اندر کام شروع کیا جائے گا،کئی ماہ بیت جانے کے باوجود ابھی تک کام شروع نہیں کیاگیا ہے۔

انہوں نے مزید کہا کہ جن ٹھیکیداروں کو ٹینڈردیا گیا ہے کہ ان کو نہ ہی بلیک لسٹ کیا جا رہا ہے اور نہ ان سے کام کروایا جا رہا ہے۔ لوگوں نے پھر سے مطالبہ کیا ہے کہ اس گلی کو جلد از جلد مرمت کا کام شروع کرے۔