پونچھ میں گولہ باری، نائب سرپنچ زخمی

ریاست جموں و کشمیر کے سرحدی علاقہ پونچھ میں جنگ بندی کی خلاف ورزی کے دوران پاکستانی فائرنگ سے ایک شخص کے زخمی ہونے کی اطلاع ہے۔

نمائندے کے مطابق سنیچر کی صبح پونچھ کے کرشنا گھاٹی سیکٹر میں پاکستانی رینجرس نے بھارتی چوکیوں کو نشانہ بنانے کی غرض سے جنگ بندی کی خلاف ورزی کرتے ہوئے گولہ باری کی۔

موٹر شیل کی زد میں آکر بلنوئی کشتی علاقے کے رہنے والے نائب سرپنچ ظفر اللہ خان زخمی ہو گئے۔ جنہیں فوری طور ضلع اسپتال پونچھ پہنچایا گیا۔

دفاعی ترجمان کے مطابق ’’پاکستانی افواج نے ہفتہ کی صبح منکوٹ اور کرشنا گھاٹی سیکٹر میں بلا اشتعال جنگ بندی کی خلاف ورزی کرتے ہوئے بھارتی چوکیوں کو نشانہ بنایا۔‘‘