ڈاکٹر جیتندر سنگھ کا عوامی اجلاس سے خطاب

وزیراعظم کے دفتر میں وزیرمملکت ڈاکٹر جیتندر سنگھ نے آج ڈوڈہ میں دو مختلف مقامات پر عوامی اجلاس سے خطاب کیا۔

پارلیمانی انتخابات کے پیش نظر بی جے پی نے شیواہ ڈل میں عوام کے سامنے انتخابی منشور اور پانچ برسوں کے دوران کئے گئے کاموں کو پیش کیا۔ اپنی حصولیابیاں شمار کرواتے ہوئے بتایا کہ کانگریس نے 70 برسوں کے دوران یہاں کے عوام کو بنیادی سہولیتوں سے محروم رکھا تھا۔

بی جے پی کے سینیئر رہنما ڈاکٹر سنگھ نے پریوت ڈوڈہ میں بھی عوامی جلسے سے خطاب کیا اس موقع پر گرد و نواح سے سینکڑوں کی تعداد میں لوگوں نے شرکت کی ۔ انہوں نے عوام سے اپیل کرتے ہوئے کہا کہ پارلیمانی انتخابات میں بی.جے.پی کے حق میں ووٹ دے کر مودی سرکار کو ایک بار پھر اقتدار میں آنے کا موقع دیں۔اس موقع پر ان کے ہمراہ سابق رکن اسمبلی ڈوڈہ شکتی راج پریہار کے علاوہ درجنوں پارٹی عہدیدران و کارکنان بھی موجود تھے۔