BJP Leader Body Found in Kathua کٹھوعہ میں بی جے پی رہنما کی لاش درخت سے لٹکی ہوئی پائی گئی

ضلع کٹھوعہ میں منگل کے روز بی جے پی رہنما سوم راج کی لاش درخت سے لٹکی ہوئی ملی۔ مقامی ذرائع کا کہنا ہے کہ بی جے پی کارکن پچھلے تین روز سے لاپتہ تھا اور اُس کی بڑے پیمانے پر تلاش شروع کی گئی تھی۔ BJP leader body found hanging from a tree in Kathua

سری نگر: جموں وکشمیر کے کٹھوعہ ضلع میں بی جے پی کارکن کو درخت کے ساتھ لٹکتے ہوئے پایا گیا۔ سرکاری ذرائع نے بتایا کہ کٹھوعہ کے ہیرا نگر علاقے میں منگل کی صبح مقامی لوگوں نے ایک شخص کو درخت کے ساتھ لٹکتے ہوئے پایا جس کے بعد پولیس کو اس کی جانکاری فراہم کی گئی۔ BJP leader body found hanging from a tree in Kathua

پولیس ٹیم فوری طور پر جائے موقع پر پہنچی اور لاش کو تحویل میں لے کر اُس کی شناخت سوم راج کے بطور کی۔ ذرائع نے بتایا کہ لاش پر خون کے نشانات موجود تھے اور اُس کو پوسٹ مارٹم کی خاطر ہسپتال منتقل کیا گیا۔ مقامی ذرائع کا کہنا ہے کہ بھاجپا کارکن پچھلے تین روز سے لاپتہ تھا اور اُس کی بڑے پیمانے پر تلاش شروع کی گئی تھی۔ پولیس نے معاملے کی نسبت کیس درج کرکے مزید تحقیقات شروع کی ۔

دریں اثنا بھاجپا کارکن کے اہل خانہ نے بتایا کہ سوم راج کا بے دردی کے ساتھ قتل کیا گیا اور اس کی اعلیٰ سطحی تحقیقات ہونی چاہئے۔ معلوم ہوا ہے کہ بھارتیہ جنتاپارٹی کے لیڈران منگل کے روز سوم راج کے گھر پہنچے اور لواحقین کے ساتھ تعزیت کا اظہار کیا۔

کٹھوعہ کے ایس ایس پی آر سی کوتوال نے کہا کہ اس معاملے میں ایس آئی ٹی تشکیل دی گئی ہے۔ پوسٹ مارٹم کے لیے ڈاکٹروں کا 4 رکنی بورڈ تشکیل دے دیا گیا ہے۔ معاملے کی تحقیقات کی جا رہی ہے۔ موت کی وجہ کا جلد پتہ چل جائے گا۔'

یو این آئی