رویندر رینا بی جے پی جموں و کشمیر کے نئے صدر منتخب

پندرہ جنوری 2020 کو جموں و کشمیر کے بی جے پی یونٹ کے نئے صدر رویندر رینا کو بلا مقابلہ منتخب کیا گیا ہے۔

مرکزی وزیر ڈاکٹر ہرش وردھن کی موجودگی میں انتخابی مراحل طے پائے۔انھوں نے رویندر رینا کو مبارک باد پیش کیا۔

اس موقع پر مرکزی وزیر ڈاکٹر ہرش وردھن نے کہا کہ جموں و کشمیر میں دفعہ 370 کے خاتمے کے بعد جموں و کشمیر میں بہت سارے ترقیاتی منصوبوں پر کام شروع ہوچکا ہے اور کچھ ہی دنوں میں متعدد مرکزی وزیر جموں و کشمیر آئیں گے اور عوام سے براہ راست بات چیت کریں گے اور ان کی مشکلات کو سنیں گے۔بتادیں کہ 18 جنوری سے 24 جنوری کے درمیان جموں وکشمیر میں 60 مرکزی وزرا دورہ کریں گے اور عوام کو 370 کی منسوخی کے بعد ہونے والے فوائد بتائیں گے۔