ڈوڈہ: جموں و کشمیر کے ضلع ڈوڈہ میں ڈپٹی کمشنر کی جانب سے انڈین سوچھتا لیگ کے تحت منعقدہ ریلی کو جھنڈی دکھا کر روانہ کیا۔ میونسپل کمیٹی بھدرواہ نے ٹیم بھدرواہ ہیونس کے اشتراک سے سوچھتا انڈیا لیگ کے تحت سلسلہ وار سرگرمیوں کا انعقاد کیا جس میں آج یہاں سب ڈسٹرکٹ ہیڈکوارٹر میں ریلی رن، نکڑ ناٹک، گانے کے پروگرام، مباحثہ اور پینٹنگ مقابلے شامل ہیں۔ Municipal Corporation Doda
ڈوڈہ میں انڈین سوچھتا لیگ کے تحت بیداری ریلی اس ریلی کو ڈپٹی کمشنر ڈوڈہ وشیش پال مہاجن نے ایس ایس پی ڈوڈہ عبدالقیوم، صدر میونسپل کمیٹی بھدرواہ ڈاکٹر شاہد رحمن مغل، اے سی ڈی ڈوڈہ، سی ای او ڈوڈہ، تحصیلدار بھدرواہ، نائب صدر اور ای او ایم سی بھدرواہ کی موجودگی میں ہری جھنڈی دکھا کر روانہ کیا۔
شرکاء سے خطاب کرتے ہوئے ڈپٹی کمشنر نے علاقے کے کونے کونے میں سوچھتا پروگرام کی وسیع پیمانے پر تشہیر پر زور دیا تاکہ 'کلین انڈیا، گرین انڈیا' کے نعرے کو صحیح معنوں میں حاصل کیا جا سکے۔ اس کے علاوہ سول سوسائٹی کے ممبران اور دیگر سماجی تنظیموں پر زور دیا کہ وہ سوچھتا مشن میں بڑھ چڑھ کر حصہ لیں۔
یہاں یہ بات قابل ذکر ہے کہ 'انڈین سوچھتا لیگ' بھارت کا پہلا انٹرسٹی مقابلہ ہے جس کی قیادت نوجوانوں کی طرف سے کچرے سے پاک شہروں کی تعمیر کی طرف کی جاتی ہے۔
لیہہ سے کنیا کماری تک 1800 سے زیادہ شہر اپنی اپنی ایک ٹیم تشکیل دے کر حصہ لے رہے ہیں اور 17 ستمبر کو سیوا دیوس کے موقع پر شروع کی جانے والی سرگرمیوں کی منصوبہ بندی کر رہے ہیں۔ اس کے علاوہ عہدیداروں نے یہ بھی بتایا ہے کہ بھدرواہ میونسپل کمیٹی ان میں شامل تھی۔ لیگ کے لیے 5 ایم سی کا انتخاب کیا گیا۔ بعد ازاں ایم سی بھدرواہ کی جانب سے مختلف پروگراموں میں حصہ لینے والوں کو مبارکباد بھی دی گئی۔
