گاندربل میں منعقد مالیاتی خواندگی کیمپ

جموں و کشمیر کے وسطی ضلع گاندربل کے بائیز ہائر سیکنڈری اسکول میں ریزرو بینک آف انڈیا نے مالیاتی خواندگی کیمپ منعقد کیا ۔

اس موقع پر ریزرو بینک آف انڈیا جموں کے جنرل منیجر ستیا نوین نے کہا کہ بینک کے حوالے سے ہر طرح کی جانکاری ہر شہری کے لیے ضروری ہے ۔

انہوں نے کہا کہ ہر عام شخص کو ملنے والی اسکیموں اور انکے اپنے حقوق کے بارے میں آگاہ ہونا چاہیے ۔

ریجنل لیٹریسی آفیسر انیل کمار رشی نے کہا کہ آج کے دور میں زیادہ تر تعلیم یافتہ لوگ ہی ٹھگے جارہے ہیں۔

انہوں نے مزید کہا کہ ٹیکنالوجی کے دور میں انسانوں کو مشینوں کے ذریعے لوٹا جاتا ہے۔

تقریب میں موجود لوگوں کو ٹیکنالوجی کے مضر اثرات کے بارے میں بھی بیدار کیا گیا۔