LG Sinha On Drug Trafficking انتظامیہ منشیات کی اسمگلنگ کے خلاف سخت اقدام کر رہی ہے

جموں وکشمیر کے لیفٹیننٹ گورنر منوج سنہا نے کہا کہ سماج کو نشے سے پاک کرنے کے لیے طرح طرح کے اقدام کیے جا رہے ہیں اور جو نوجوان اس لت میں پڑ گئے ہیں ان کی باز آباد کاری کے لیے بھی اقدام کیے جا رہے ہیں۔ Manoj Sinha On Drug Trafficking

جموں: جموں وکشمیر کے لیفٹیننٹ گورنر منوج سنہا کا کہنا ہے کہ انتظامیہ منشیات اسمگلنگ کی روک تھام کو یقینی بنانے کے لیے سخت اقدام کر رہی ہے۔ Manoj Sinha On Drug Trafficking

انہوں نے کہا کہ جموں وکشمیر سے اس وبا کی بیخ کنی کو یقینی بنانے کے لیے سب لوگوں کو انتظامیہ کے ساتھ تعاون کرنے کی ضرورت ہے۔ لیفٹیننٹ گورنر نے ان باتوں کا اظہار جمعرات کو یہاں نشہ مکت جموں وکشمیر مہم کے تحت نکالی جانی والی ایک ریلی کے حاشئیے پر نامہ نگاروں کے سوالوں کے جواب دینے کے دوران کیا۔

انہوں نے کہا کہ جموں وکشمیر پولیس اور متعلقہ محکمہ یونین ٹریٹری کو نشہ مکت بنانے کے لیے مہم چلا رہے ہیں۔ ان کا کہنا تھا کہ اس بدعت کی بیخ کنی کے لیے انتظامیہ کے ساتھ ساتھ سماج کے معزز شہریوں، صحافیوں کو بھی ہاتھ بٹانا ہے۔

سنہا نے کہا کہ سماج سے نشے کی بدعت کے قلع قمع کے لیے ہم سب کو ایک ہو کر کام کرنا ہوگا تب ہم جموں وکشمیر کو نشہ مکت بنا سکتے ہیں۔ پاکستان کی طرف سے ڈورن کے ذریعے منشیات ڈالنے کے بارے میں پوچھے جانے پر انہوں نے کہا کہ ہم کوشش کر رہے ہیں کہ وہ اس طرح کی حرکتیں نہ کرے۔

ان کا کہنا تھا کہ منشیات کے کھیپوں کو ضبط کیا جا رہا ہے اور سیکورٹی فورسز ایسی کوششوں کو ناکام بنانے کے لیے مستعد ہیں۔انہوں نے مزید کہا کہ سماج کو نشے سے پاک کرنے کے لیے طرح طرح کے اقدام کئے جا رہے ہیں اور جو نوجوان اس لت میں پڑ گئے ہیں ان کی باز آباد کاری کے لیے بھی اقدام کیے جا رہے ہیں۔

یو این آئی