ڈوڈہ: تیسرے نائٹ کاسکو بال ٹورنامنٹ کا انعقاد

اسپورٹس اسٹیڈیم ڈوڈہ میں تیسرے نائٹ کاسکو بال ٹورنامنٹ کا انعقاد کیا گیا جس میں کُل 40 ٹیموں نے حصہ لیا۔

جموں و کشمیر میں کورونا وائرس کی وجہ سے مسلسل دو سال سے کھیل کود کی سرگرمیاں معطل رہیں لیکن کورونا کیسز میں کمی کے بعد کھیل کے میدانوں میں مختلف مقابلوں کا انعقاد کیا جارہا ہے۔

جموں و کشمیر کے اسپورٹس اسٹیڈیم ڈوڈہ میں چناب کلچرل اینڈ اسپورٹس کلب کی جانب سے تیسرے نائٹ کاسکو ٹی 10 ٹورنمنٹ کا انعقاد کیا گیا۔ خطہ میں تیسری مرتبہ رات کے اوقات میں کرکٹ ٹورنامنٹ کے انعقاد کے لئے اسپورٹس اسٹیڈیم کو روشنیوں سے سجایا گیا ہے۔ اس ٹورنامنٹ میں کُل 40 ٹیمیں شرکت کررہی ہیں۔ رات کے وقت شائقین کرکٹ زیادہ تعداد میں میچ دیکھنے میدان میں پہنچتے رہے ہیں۔

قابل ذکر ہے کہ اس ٹورنامنٹ کے تمام میچیز کا اسکور آن لائن ایپ پر اپڈیٹ کیا جارہا ہے جس وجہ سے کھلاڑیوں میں مزید دلچسپی پیدا ہوئی ہے۔