جموں و کشمیر: شمبھو مارکیٹ میں آتشزدگی، 15 دکانیں جل گئیں

ویشنوی دیوی مارگ پر چارن پادو کا مندر کے پاس واقع شمبھو مارکیٹ میں بند دکانوں میں اچانک آگ لگ گئی۔

سی آر پی ایف ، پولیس اور مقامی لوگوں نے آگ بجھانے کی کوشش کی، لیکن دکانیں بند ہونے کے سبب آگ مزید پھیلتی گئی۔

اس واقعہ میں تقریبا 15 دکانیں جل گئیں۔ بعد ازاں فائر بریگیڈ کی گاڑیوں نے کافی مشقت کے بعد قابو پایا۔ آگ لگنے کی وجوہات کا پتہ نہیں چل سکا ہے۔

جانکاری کے مطابق کسی راہگیر نے بند دکانوں سے دھواں اٹھتا دیکھ کر لوگوں کو بتایا۔ اس کے بعد سی آر پی ایف، جموں و کشمیر پولیس کے جوان بھی موقع پر پہنچے۔ آگ اتنی تیزی سے پھیلی کہ 15 دکانوں کو اپنی چپیٹ میں لے لیا۔ اس کے بعد اطلاع کی بنیاد پر فائر بریگیڈ کی گاڑیوں نے موقع پر پہنچ کر آگ پر قابو پایا۔ پولیس نے کیس درج کرکے جانچ شروع کردی ہے۔