معروف شاعر جاں نثار اختر پر دو روزہ کل ہند سیمینار

ریاست راجستھان کے دارالحکومت جے پور کے جواہر کلا کیندر میں دو روزہ کل ہند سیمینار کا افتتاح عمل میں آیا، یہ کل ہند اردو دو روزہ سیمینار 28 فروری سے یکم مارچ تک جاری رہے گا۔

سیمینار راجستھان اردو اکادمی کی جانب سے منعقد کیا جا رہا ہے، سیمینار کی افتتاح ہریدیو جوشی یونیورسٹی کے وائس چانسلر اوم تھانوی نے کی، اس موقع پر کافی اہم شخصیات نے اس پروگرام میں شرکت کی۔

راجستھان اردو اکادمی کی جانب سے منعقد دو روزہ کل ہند سیمینار کو 'گھر آنگن کے شاعر جاں نثار اختر' نام دیا گیا، راجستھان اردو اکادمی کے سیکریٹری معظم علی نے بتایا کہ' آج اردو اکادمی کی جانب سے جو دو روزہ سیمینار منعقد ہو رہا ہے، اس تعلق سے ہم لوگ کافی خوش ہیں۔ کیونکہ ہم اردو کے ایک ایسے منفرد شاعر کے اوپر سیمینار منعقد کر رہے ہیں جنہیں اردو دنیا میں جاں نثار اختر کے نام سے جانا جاتا ہے۔

جاں نثار اختر ایک روایت کو اپنی زندگی میں پروئے ہوئے ہیں، جن کے دادا نے مرزا اسداللہ خاں غالب کا دیوان ترتیب دیاتھا، جن کے والد ٹونک ریاست کے جج رہے۔