جھنجھنو ضلع میں چھ نئے مثبت معاملے

راجستھان کے جھنجھنو ضلع میں آج چھ نئے کورونا مثبت معاملے سامنے آنے سے یہاں کورونا پوزیٹیو مریضوں کی تعداد بڑھ کر 314 ہوگئی ہے۔

ریاستی بی ڈی کے ہسپتال کے پی ایم او ڈاکٹر شبھ کرن کالیکر نے بتایا ہے کہ دہلی سے آئے سورج گڑھ علاقے کے بھوری واس گاؤں کے رہنے والے ایک چالیس سالہ شخص، گروگرام سے آئے بھوڑکی گاؤں کے رہنے والے ایک پینتیس سالہ شخص، جلگاؤں سے آئے ادے پور واڈی کے رہنے والے ایک ستائس سالہ نوجوان،ممبئی سے آیا بھوڑکی گاؤں کے رہنے والے ایک چالیس سالہ شخص، کولکتہ سے آئے گوڑا گوڑجی گاؤں کے رہنے والے بیاسی سالہ بزرگ، گروگرام سے آئے چڑاوا کے وارڈ نمبر 8 کے رہنے والے ایک 21 سالہ نوجوان کی رپورٹ پازیٹیو آئی ہے۔ ان سبھی کو علاج کے لیے ریاستی بی ڈی کے ہسپتال میں داخل کرایا گیا ہے۔
انہوں نے بتایا کہ دس کورونا مثبت مریض صحت یاب ہوگئے ہیں۔ اب تک صحت یاب ہونے والے مریضوں کی تعداد بڑھ کر 263 ہوگئی ہے۔