کشمیری اسکول کے طلبا کا 'بھارت دورہ'

سنٹرل ریزرو پولیس فورس کے زیر اہتمام 'بھارت دورے' نامی پروگرام کے تحت، کشمیری اسکول کے طلباء کی ایک ٹیم نے ریاست راجسھتان کے گورنرکلراج مشرا سے ملاقات کی۔ اس دوران گورنر نے انہیں دستور ہند کی اہمیت سے آگاہ کیا۔

ریاست راجستھان کے دارالحکومت جے پور کے گورنر کلراج مشر نے کشمیر طلبا سے راجبھون میں ملا قات کی۔

انہوں نے طلبا سے ملاقات کے دوران اپنے خطاب میں کہا کہ' آئین بھارت کی روح ہے'، کیونکہ اسی سے پورا بھارت چلتا ہے۔

اطلاع کے مطابق سنٹرل ریزرو پولیس فورسز کے زیر اہتمام 'بھارت دورہ' پروگرام کے ایک حصے کے طور پر راجستھان کا دورہ کرنے والے کشمیری بچوں نے گورنر سے ملاقات سے قبل جے پور، ہوا محل، نہر گڑھ، آمیر، جل محل کے تاریخی مقامات کا دورہ کیا۔
جے پور گورنر نے کشمیری طلبا کو نصیحتیں بھی کیں، انہوں نے کہا کہ خوب محنت کریں اور آگے بڑھیں، کامیابی سے ہمکنار کے لیے سخت محنت کی ضرورت ہے آپ خوب جدو جہد کریں کامیابی ضرور قدم چومے گی۔

راشٹریہ رکھشا مہا ودیالیہ کی ٹیم اراکین نے بھی کلراج مشرا سے ملاقات کی۔

یہ پارٹی راجستھان کی سماجی و سیاسی صورتحال کا جائزہ لینے کے لئے دورے کررہی ہے۔ گورنر نے اس ٹیم میں شامل ممبروں کو بتایا کہ ریاست میں مرکزی اور ریاستی حکومت کے منصوبوں پر کام جاری ہے۔

گورنر نے مزید کہا کہ'خاص طور پر 'بیٹی بچاؤ بیٹی پڑاھاؤ' پروگرام کے ذریعہ خواتین کو بااختیار بنانے میں تقویت ملی ہے۔ ایک ہی وقت میں 'اسکول چلو ابھیان' بھی ریاست میں کامیابی کے ساتھ چل رہا ہے۔

جس ٹیم نے گورنر سے ملاقات کی اس میں بریگیڈیئر سنجیو روہیلہ، بریگیڈیئر انڈرجیت سنگھ، بریگیڈیئر ہریہر اور ایل ایس کے رہنما بھی شامل تھے۔