راجستھان: ایس ڈی پی آئی کی پریس کانفرنس

سوشل ڈیموکریٹک پارٹی آف انڈیا (ایس ڈی پی آئی) نے راجستھان کے وزیراعلیٰ اشوک گہلوت کے سی اے اے اور این آر سی لاگو نہیں کرنے کے فیصلے کا خیرمقدم کیا ہے۔

ایس ڈی پی ایس نے اشوک گہلوت اور کانگریس کی قومی صدر سونیا گاندھی سے درخواست کی ہے کہ وہ پنجاب اور کیرالہ کی طرز پر کیا راجستھان میں بھی این پی آر لاگو نہیں کیا جائے گا کیونکہ جس طرح سے باتیں ہو رہی ہیں وہ ہماری سمجھ میں نہیں آرہا ہے۔

دارالحکومت جے پور میں میڈیا سے بات کرتے ہوئے ایس ڈی پی ایس جماعت کے ذمہ داروں نے کہا کہ این پی آر کی ہم مخالفت اس لئے کر رہے ہیں کہ ملک کے وزیر داخلہ امت شاہ پہلے ہی یہ اعلان کر چکے ہیں کہ این آر سی سے قبل این پی آر ہمارا پہلا قدم ہوگا۔

این پی آر میں ان تمام باتوں کو شامل کیا گیا ہے جو این آر سی سے ملتی جلتی ہے اور اب جس طرح سے ملک کے وزیراعظم نریندر مودی یہ کہہ رہے ہیں کہ ہم نے گذشتہ چھ ماہ میں کوئی بھی بات شہریت ترمیمی قانون سے متعلق کی ہی نہیں۔

ایس ڈی پی آئی کے مطابق شہریت ترمیمی قانون کے ذریعہ ایک خاص مذہب کو نشانہ بنایا جا رہا ہے اس لیے ہم اس کی سخت مذمت کرتے ہیں اور یہ مطالبہ کرتے ہیں کہ اس قانون کو واپس لیا جائے۔