جے پور: سیاحتی مقامات پر کورونا گائڈ لائنس کی خلاف ورزی

راجستھان میں کورونا وبا کا قہر کم ہونے کی وجہ سے راجستھان حکومت کی جانب سے سیاحتی مقامات کو کھولنے کا فیصلہ لے لیا گیا۔

راجستھان میں کورونا وبا کا قہر کم ہونے باعث راجستھان حکومت نے سیاحتی مقامات کو کھولنے کا فیصلہ کیا لیکن ان سیاحتی مقامات پر جو سیاح اور مقامی باشندے تفریح کرنے کے لئے پہنچ رہے ہیں ان کے چہرے پر ماسک نظر نہیں آرہا ہے، لوگ سوشل ڈسٹنسنگ پر بھی عمل کرتے ہوئے نظر نہیں آرہے ہیں۔

لوگوں کا ہجوم یہاں پر الگ الگ جگہوں پر نظر آرہا ہے، بڑی بات یہ ہے کہ ایسے لوگوں کے خلاف نہ تو کوئی کارروائی کی جارہی ہے اور نہ ہی کوئی سمجھانے والا ان لوگوں کو نظر آرہا ہے۔

سیاحتی مقامات کورونا گائیڈ لائن کی خلاف ورزی

بہرحال جس طرح کا منظر جے پور کے جل مہل، آمیر نہار گڑھ سمیت دیگر سیاحتی مقامات پر نظر آرہا ہے اس کے مدنظر یہی کہا جاسکتا ہے کہ عوام کورونا کو لیکر سنجیدہ نہیں ہیں۔

سیر و تفریح کرنے آئے لوگوں نے ای ٹی وی بھارت سے کہا کہ جس طرح کا منظر یہاں پر نظر آرہا ہے اس کے مدنظر یہی کہا جاسکتا ہے کہ جلد ہی کورونا وبا میں ایک مرتبہ پھر اضافہ ہوسکتا ہے۔

عوام کا کہنا ہے کہ نہ تو یہاں پولیس نظر آرہی ہے اور نہ ہی انتظامیہ کا کوئی خدمت گار، جو بھی لوگ یہاں پر تفریح کرنے کے لیے پہنچ رہے ہیں وہ لوگ حکومتی گائڈ لائنس کا خیال نہیں رکھ رہے، ان لوگوں کا کہنا ہے کہ ایسے لاپرواہ لوگوں کے خلاف سخت کارروائی عمل میں لانا چاہیے۔