اقتصادی بحران پر کانگریس کی احتجاج ریلی

ریاست راجستھان کے وزیراعلی اشوک گہلوت کی قیادت میں کانگریس نے اقتصادی بحران پر مودی حکومت کے خلاف احتجاجی ریلی نکالی۔

مرکزی حکومت کے خلاف آج راجستھان کانگریس کے رہنماؤں نے وزیر اعلی اشوک گہلوت کی قیادت میں اقتصادی بحران سمیت متعدد مسائل پر احتجاجی ریلی نکالی گئی۔

مذکورہ ریلی جے پور میں واقع کانگریس پارٹی کے دفتر سے سول لائن پھاٹک تک نکالی گئی جس میں کانگریس پارٹی کے اعلی رہنماؤں نے شرکت کی۔ ریلی میں مرکزی حکومت کے خلاف نعرے بازی بھی کی گئی۔

اس موقعے پر نائب وزیراعلی سچن پائلٹ، انچارج اویناش پانڈے سمیت دیگر وزرا موجود رہے۔ پولیس نے بھیڑ پر قابو پانے کے لیے سکیورٹی کے پختہ انتظامات کر رکھے تھے۔

صحافیوں سے بات چیت کرتے ہوئے کانگریس پارٹی کے سینئیر رہنماؤں نے بی جے پی حکومت کی سخت نکتہ چینی کی۔