جے پور: کروڑی لال مینا نے آماگڑھ قلعہ پر لہرایا پرچم، پولیس نے کیا گرفتار

راجستھان کے دارالحکومت جے پور میں ٹرانسپورٹ نگر کے آما گڑھ علاقے میں واقع قلعہ پر پرچم لہرانے کا معاملہ اب طول پکڑتا دکھائی دے رہا ہے جب کہ پولیس نے اس معاملے میں کارروائی کرتے ہوئے بی جے پی کے راجیہ سبھا رکن کروڑی لال مینا کو گرفتار کرلیا ہے۔

راجیہ سبھا رکن کروڑی لال مینا نے آماگڑھ قلعہ پر پرچم لہرایا تھا جب کہ پولیس نے اس علاقہ میں داخلہ پر پابندی لگا رکھی تھی، لیکن کروڑی لال مینا قلعہ تک پہنچے اور وہاں مینا برادری کا پرچم لہرایا۔

اس موقع پر راجیہ سبھا کے رکن نے بتایا کہ آماگڑھ قلعہ تک پہنچنے کے لیے کافی مشکلات پیش آئیں۔ انہوں نے کہا کہ تیز بارش میں جنگل کے راستہ جہاں جنگلی جانوروں سے خطرہ تھا ہم پہنچے اور پرچم لہرایا۔

کروٹی لال مینا نے آماگڑھ قلعہ پر لہرایا پرچم، پولیس نے کیا گرفتار

واضح رہے کہ ٹرانسپورٹ نگر کے آما گڑھ قلعہ میں پرچم لہرانے کے معاملہ میں ہندو مذہب سے وابستہ دو گروپ آمنے سامنے ہیں۔ دھروہر بچاؤ تنظیم اور مینا برادری کی جانب سے ایک دوسرے گروپ کی مخالفت کی جارہی ہے۔ احتجاجی مظاہرے کئے جارہے ہیں۔ رکن اسمبلی رام کیش مینا کی جانب سے گاندھی سرکل سے وزیراعلیٰ اشوک گہلوت کی رہائش گاہ تک پیدل مارچ کیا گیا۔