کانگریس کے میڈیا سیل کے سربراہ رندیپ سنگھ سرجے والا نے کہا کہ کانگریس کے ریاستی رہنماؤں کے درمیان جاری تنازعہ سے مسلسل بحران بڑھ رہا تھا لیکن کانگریس کے سابق صدر راہل گاندھی اور جنرل سکریٹری پرینکا گاندھی واڈرا کے سب کو ساتھ لے کر چلنے اور پارٹی میں ہر کسی کے جذبات کی قدر کرنے کی پالیسی کے سبب یہ تنازعہ ختم ہو گیا۔
'راجستھان میں صلح، بھارتیہ جنتا پارٹی کو کرارا جواب' انہوں نے کہاکہ' راجستھان کے سیاسی ہلچل کے تھمنے پر ریاست کی آٹھ کروڑ عوام کو مبارکباد۔ راہل گاندھی کی دور اندیشی اور سب کو ساتھ لے کر چلنے کا عزم اور محترمہ پرینکا گاندھی واڈرا کا تعاون رنگ لایا۔ اشوک گہلوت کی پختگی اور سچن پائلٹ کے اعتماد نے حل نکالا ہے'۔
'راجستھان میں صلح، بھارتیہ جنتا پارٹی کو کرارا جواب' مزید پڑھیں:
ترجمان نے اس صلح کو بی جے پی کے منھ پر زوردار طمانچہ قرار دیا اور کہاکہ' یہ بی جے پی کو کرارا جواب ہے جو اپوزیشن میں ہو کر اور عوام کی جانب سے برطرف کیے جانے کے باوجود حکومت بنانے کے خواب دیکھ رہے تھے۔
انہوں نے کہاکہ' یہ وہی ہیں جو ہر طرح کے ہتھکنڈے اختیار کیے جانے کے بعد بھی بی جے پی اراکین اسمبلی کی پارٹی کی میٹنگ تک نہ بلا پائے، بالآخر انھیں ہوٹل میں رکھنا پڑا۔ اب سب گلے۔شکوے اور کڑواہٹ بھلا کر تمام اراکین اسمبلی اور کانگریس کے ساتھی راجستھان کی فلاح و بہبود اور ترقی کے لیے کام کریں گے۔
