جے پور: تہواروں کے پیشِ نظر مذہبی رہنماؤں کے ساتھ پولیس کی میٹنگ

جے پور پولیس کمشنریٹ کے رام گنج تھانے میں آج پولیس محکمہ کے اعلیٰ افسران اور سبھی مذاہب کے مذہبی رہنماؤں کے ساتھ اہم میٹنگ منعقد کی گئی۔ یہ میٹنگ آئندہ ہونے تہواروں کے مدنظر امن و امان قائم رکھنے کے لیے کی گئی۔

اس اہم میٹنگ میں ہندو، مسلم، سکھ اور عیسائی مذہب کے مذہبی رہنماؤں، علاقے کے سماجی کارکنان و سیاسی رہنماؤں کی بھی موجودگی رہی۔ یہ میٹنگ اے ڈی سی پی سمن چودھری کی قیادت میں منعقد ہوئی۔ اس اہم میٹنگ میں تمام لوگوں نے اپنی بات کو پولیس محکمہ کے اعلیٰ افسران کے سامنے رکھا۔ پولیس محکمے کے افسران کی جانب سے یقین دہانی کرائی گئی کہ جو بھی ضروریات ہے اس کو ہم پورا کریں گے۔

اس دوران اے ڈی سی پی سمن چودھری نے ای ٹی وی بھارت اردو سے خاص بات چیت کے دوران بتایا کہ میری تقرری کے بعد میں پہلی مرتبہ ان تمام لوگوں کے ساتھ میں آج میری میٹنگ ہوئی ہے، جو بھی پولیس کی باتیں ہیں ان باتوں کو ہم نے عوام اور تمام مذہبی رہنماؤں کے درمیان رکھا۔

ہم لوگوں نے ان سے یہ اپیل کی ہے کہ جو بھی تہوار منائے جائے وہ حکومتی گائڈ لائن کے مطابق منائے جائیں۔

انہوں نے کہا کی ان تمام لوگوں نے ہمارے بیچ میں کافی اہم باتیں رکھی ہیں۔ انہوں نے بتایا کی یہ جو ماہ چل رہا ہے اس ماہ میں ہندو، مسلم سمیت دیگر مذہب کے کافی تہوار منائے جائیں گے اس کو لیکر بھی ضروری ہدایت ان تمام لوگوں کو دی گئی ہے۔