ریاست راجستھان کے دارالحکومت جے پور کے آلبرٹ ہال پر پاپولر فرنٹ آف انڈیا کے ضلعی صدر کی قیادت میں اترپردیش کی یوگی حکومت کے خلاف احتجاج کیا گیا۔
جے پور میں پی ایف آئی کارکنان کا احتجاج
جے پور میں پی ایف آئی کارکنان کا احتجاج
جے پور سے پی ایف آئی کے ضلعی صدر ندیم نے کہا کہ ہاتھرس سانحہ کے متعلق یوگی آدتیہ ناتھ پی ایف آئی کو سازش کے تحت بد نام کرنا چاہتی ہے لیکن ہم ان کے منصوبے کو کامیاب نہیں ہونے دیں گے۔
جے پور میں پی ایف آئی کارکنان کا احتجاج
مظاہرین نے اترپردیش کے وزیراعلی یوگی آدتیہ ناتھ اور بی جے پی سے مطالبہ کیا کہ پی ایف آئی کو سازش کے تحت بدنام کرنا بند کیا جائے۔ پی ایف آئی کے ضلع صدر ندیم نے بتایا کہ اترپردیش کے ہاتھرس کے جنسی واردات میں جس طرح سے یوگی آدتیہ ناتھ پی ایف آئی کو سازش کے تحت بدنام کرنا چاہتے ہیں لیکن ہم ان لوگوں کے منصوبوں کو قطعی کامیاب نہیں ہونے دیں گے۔
ندیم نے مزید کہا کہ پاپولر فرنٹ آف انڈیا حق بات بولتی ہے، اس لیے مخالف لوگوں کو تکلیف ہوتی ہے، یہ لوگ ہر مرتبہ ہم لوگوں کو نشانہ بناتے ہیں، لیکن آج تک کورٹ میں یہ ثابت نہیں کر پائے۔