حج کمیٹی آف انڈیا کی کارکردگی پر ویلفئیر سوسائٹی کو اعتراض

ریاست راجستھان کی ویلفیئر سوسائٹی نے مرکزی حج کمیٹی کی کارکردگی پر اعتراض کرتے ہوئے روپے وصول نے کا الزام عائد کیا ہے۔

ای ٹی وی بھارت کے ساتھ بات چیت کرتے ہوئے راجستھان ویلفیئر سوسائٹی کے جنرل سیکریٹری حاجی نظام الدین نے کہا ہے کہ' حج کمیٹی اس وقت تک عازمین حج کے لیے درخواست کی تاریخ میں توسیع کرتی رہتی ہیں جب تک مرکزی حج کمیٹی فارم کی شکل میں کروڑوں روپے (10 سے 12 ) کروڑ روپے وصول نہیں کرلیتی، وہ تاریخ میں توسیع کرتی رہتی ہے جو غلط ہے'۔

اس موقعے پر انہوں نے کہا کہ' حج کمیٹی آف انڈیا کو چاہیے کہ درخواست کم ہونے کی صورت میں ایک بار 10 سے 15 دنوں کے لیے تاریخ میں توسیع کی جائے، باربار تاریخ میں توسیع درست نہیں۔'

خیال رہے کہ عازمین حج کی درخواست کے لیے 10 نومبر آخری تاریخ تھی جسے بڑھا کر 29 دسمبر کردیا گیا ہے۔