بھارتی ریاست راجستھان کے دارالحکومت جے پور میں واقع سبھاش چوک تھانے کے باہر مسلم برادری کی جانب سے آج احتجاجی مظاہرہ کیا گیا، احتجاجی مظاہرہ کرتے ہوئے یہاں پر سڑک کو جام کر دیا گیا۔
اس دوران کثیر تعداد میں پولیس اہلکار بھی تھانے کے باہر تعینات کیے گئے، مسلم برادری کے لوگوں کو سمجھانے کے لیے یہاں پر پولیس محکمے کے افسران پہنچے، لیکن احتجاجی مظاہرہ کر رہے لوگوں کا کہنا تھا کہ ہم لوگوں کے ساتھ انصاف کیا جائے۔
یہ بھی پڑھیں: جےپور میں مولانا کلیم صدیقی کی گرفتاری کے خلاف احتجاج
اس پورے معاملے کے بارے میں معلومات فراہم کرتے ہوئے مظاہرین کا کہنا تھا کہ ہمارے گھر کی ایک بچی لاپتہ ہے، بچی کے لاپتہ ہونے کے بعد میں ہم لوگوں کی جانب سے سبھاش چوک تھانے میں ایک رپورٹ درج کروائی گئی، لیکن ہم لوگوں کو پتہ چلا کہ وہ ایک لڑکے کے ساتھ چلی گئی ہے جس کے بعد ہم گزشتہ شب کو بھی تھانے پہنچے تھے، جس کے بعد ہم لوگوں کو تھانے کی جانب سے اس بات کا بھروسہ بھی دلایا گیا تھا کہ آپ کی بچی کو ہم آپ کو سپرد کر دکے گے لیکن ابھی دوپہر تک ہم لوگوں کو کوئی اطلاع نہیں دی گئی ہے۔ اس لئے ان لوگوں کی جانب سے احتجاجی مظاہرہ کیا جا رہا ہے اور ہم لوگوں نے تھانے کے باہر جام لگا دیا ہے، مظاہرین کا کہنا ہے کہ ہم لوگوں کو پولیس محکمہ کے اعلی افسران کی جانب سے کاروائی کا بھروسہ دلایا گیا تھا۔