حکومت کی جانب سے کی جانے والی تمام کوششوں کے باوجود بھی ایسے چند لوگ ہیں جو کورونا ویکسین لگوانے میں خوف محسوس کررہے ہیں۔ ایسے لوگوں سے خوف ختم کرنے کے لیے مسلم مذہبی رہنما بڑھ چڑھ کر کورونا ویکسین لگوارہے ہیں، ساتھ ہی عوام سے اپیل کررہے ہیں کہ زیادہ سے زیادہ افراد کورونا ویکسین لگوائیں تاکہ اس وبا کا خاتمہ ہوسکے۔
عوام بے خوف ہوکر کورونا ویکسین لگوائیں تبھی ملک سے کورونا کا خاتمہ ممکن ہے
جے پور کے چیف قاضی خالد عثمانی نے کہا کہ 'مرکز کی مودی حکومت کی جانب سے جو ویکسینیشن پروگرام منعقد کئے جارہے ہیں وہ کافی بہتر ہیں، عوام کو چاہیے کہ زیادہ سے زیادہ ان کیمپ سے فائدہ اٹھائیں، اپنے نزدیک میں جہاں بھی ویکسینیشن کیمپ ہو وہاں پہنچ کر ویکسین لگوائیں۔ تاکہ کورونا کا خاتمہ ہوسکے۔ انہوں نے کہا کہ 'اگر ملک سے کورونا وبا کا خاتمہ کرنا ہے تو جو بھی ایڈوائزری حکومت کی جانب سے جاری کی جارہی ہے اس ایڈوائزری کا خیال رکھنا ہوگا۔